Schepenakte - Cont sij enyegheliken want Heren Johan van Berlair Heer van Helmont voirtijds overgegeven hadde Mercelis Wautgers soen was van Gasselt die waghe tot Helmont ende die selve Mercelis die selve waghe mette brieven dair op sprekende overgegeven had Heer Diricken Wautgers priester ende die selve Heer Diric voert overgegeven had Lodewigen van Kessel - Soe is voer ons komen die voirgs. Lodewich van Kessel ende heeft Joncker Jan van Cortenbach overgegeven ende opgedragen die voirgs. waghe met haer toebehoirten ende allen scepenenlien (= litteren) dair op sprekende ende heeft dair op vertegen in manieren als gewoenlyc is ende was (?) - Ende hier voer heeft Joncker Jan van Cortenbach geloeft op hem ende op allen sijn goet den voirs. Lodewigen van Kessel te betalen ene rijnschen gulden allen jair opten heylichen pinxtdach alsoe langhe als die voirs. Lodewich leven sal inder menschelicheit ende nyet langer. (schepenen + datum ut supra) Voer besegelt metten segel Joncker Jans voirs. Lodewich van Kessel heeft dese cijns overgegeven Joncker Jan voirgs. ende gemechticht etc. ende vertegen etc. geloevende etc. Godert Cupper - schepen Peter Machiels - schepen opten iersten dach in julio 1444 (Zie ook: Frenken, dl. I, p. 169), 1438/1443